بلاش يبقى كل تفكيرك و تركيزك فى فرش البيت و الفستان و المعازيم و مين جاى و مين مش جاى
و هتحجزى عند ميكب ارتيست مين !!
و اهتمى بنظافة و نضاره بشرتك بـ 4 ماسكات طبيعية هنقسمهم حسب نوع بشرتك
1- بالنسبة لنضارتها ( ننصح بيه البشرة المركبة للـ دهنية ) :
هتحتاجى عسل ابيض + عصير ليمونة
و تقلبيهم كويس و تفرديهم على بشرتك لمدة ربع ساعة و بعدين تشطفيه بمياه فاترة و مكعبات تلج
و كرريه مرتين كل اسبوع فى الشهر الاخير اللى قبل الفرح ع طول
2- بالنسبة لـ ترطيب البشرة ( لكل انواع البشرة ) :
هتحتاجى معلقتين دقيق ابيض + معلقة صغيرة عسل ابيض
و عليهم عصير نص ليمونة و زيت زيتون
و تخلطيهم ببعض و تفرديهم على وشك لمدة نص ساعة
و بعدين تشطفيه كويس بالمياه الفاترة و مكعبات التلج
تقدرى تكرريه مرة واحدة كل اسبوع لافضل نتيجة
3- بالنسبة لتفتيح البشرة ( لكل انواع البشرة )
جهزى معلقة حليب بودرة مع معلقة عسل ابيض و عصير ليمونة
و اخلطيهم ببعض و افرديهم على بشرتك و سيبيه 10 دقايق
و بعدين اشطفى وشك بمياه فاترة و مررى عليها مكعبات تلج
تقدرى تكرريه مرة كل اسبوع لافضل نتيجة .
4- بالنسبة للعلاح المسام الواسعة ( للبشرة الدهنية للـ مركبة)
هتحتاجى معلقة نشا + قطرات بخار مياه دافيه مع معلقة صغيرة زيت زيتون
و تخلطيهم ببعض و تسيبيهم 10 دقايق
بعدها اشطفى بشرتك بالمياه الدافيه و مررى على وشك مكعبات تلج .
و استخدميه بشكل عام اول ما تظهر المشكلة لحتى تحتفى
- نصايح عامة لاى ماسك :
- قبل اى ماسك تغسلى وشك بمياه فاترة علشان يفتح المسام
و بعده تمررى مكعبات تلج على وشك علشان يقفل المسام و تحتفظى بنتيجة الماسك لفترة اطول
و لو مش متقبلة التلج ممكن قطنة بماء الورد و تمسحى بيها بشرتك
- بعد اى ماسك تقدرى تستخدمى الغسول المناسب لبشرتك.
- لما تجففى بشرتك اوعى تفركى وشك جامد افردى المنشفة القطنية على وشك بالطبطة بهدوء جدا للتجفيف.
- لو هتعملى ميكب يبقى الافضل تعملى الماسك قبلها بيوم على الاقل.
جربى الماسك الانسب لبشرتك و نتمنى لك بشرة مشرقة و نضره
تقدرى تقرأى كمان : روتين العناية بالبشرة
مبروك يا اجمل عروسة
تابعى اجدد العروض المضافة لينا اول بأول