فكرة بريدز ميدز ( وصيفات العروسة ) كنا بنشوفها كتير فى صور الافراح فى اوروبا
لحتى بدأنا ننفذها فى مصر بما يتناسب مع ثقافتنا
لدرجة انها بقيت شغلانة كمان لاى عروسة مالهاش صديقات او قرايب يشاركوها فرحتها 
طيب اية اصلا الهدف منها ؟
- اولاً شكلها مميزة جدا فى الصور بسبب تناسق الالوان او حتى اختلافها يديكى شعور بالبهجة
- ثانياً فكرة انك تجمعى صحباتك و قريباتك بشكل مميز فى الفرح, كل الناس هتبقى عارفة ان دول
المقربين جدا منك مش مجرد معازيم .
امتى تبداء التجهيزات ؟
ابدأى قبل الفرح بحوالى شهر على الاقل سواء كان هيبقى تفصيل او جاهز
بصى هنا على: اتيليهات البيع و التفصيل
و عندك كذا اختيار يا اما موديل واحد و الوان متنوعة او كل حد يختار الموديل اللى يناسبه و اللون موحد
حسب اللى يقنعك و يقنعهم
طيب ازاى تختارى الالوان و الموديلات ؟
1 ـ ممكن يكون لون مفضل ليكى و للعريس
2 ـ او من الوان ديكورات قاعة الفرح ( الكوشة, تلبيسة الترابيزات و الكراسى )
3 ـ تقدرى برضو تختارى بناء ع الالوان المفضلة لصحباتك
* و لو اختلافتوا و ما قدرتيش تحددى لون معين مفضل للجميع اختارى فكرة الالوان المتعددة
4 ـ و بننصحك جدا لو اختارتى من الوان بوكيه الورد هيبقى اشيك فى الصور
5- ما تنسيش ان اختيار الالوان بيكون تبعاً للفرح بالليل و لا بالنهار و كمان فى قاعة و لا open air
و الاهم الموسم نفسه فى الصيف, ربيع , شتاء و لا خريف
شوفى من هنا كل : قاعات الافراح فى مصر
6- بعد اختيارك للالوان, حاولى تدى مساحة من الحرية فى اختيار الموديل لان كل جسم ليه الموديل
اللى يتماشى معاه
بصى هنا على : افضل طريقة لاختيار الفستان اللى يليق ع الجسم
نتمنى لك اختيار موفق للالوان و موديلات برايدز ميدز بما يتناسب مع شخصيتك مش لمجرد انها رايجة
و جمعنا لك مجموعة من الموديلات و الالوان علشان تختارى منها اللى تحبى تنفذيه
مبروك يا اجمل عروسة
