بمجرد اختيار تاريخ الفرح بيبداء قلق التفكير فى القاعة  !!
مش بس علشان بتبقى كل عروسة عاملة سقف لتوقعتها للقاعة حجمها قد اية ؟ و الخدمة هتبقى كويسة و لا لا ؟
و الاهم الضيوف هيوصلوا بسهولة من غير ما يتعطلوا فى الطريق ؟ 
طيب البوفيه اصلا هيبقى الاكل ممتاز و لا تجيب احسن اكل من اى مطعم بتثق فيه ؟؟ 
و الافضل اصلا تبقى قاعة مقفولة و لا اوبن اير ؟
طيب تختار الاقرب لبيتها لو زفاف او بيت العائلة لو خطوبة و لا قاعة تبقى ممتازة و خلاص و مش مهم الطريق !! 



 
كلها اسئلة و زحمة فى دماغك حلها بسيط جدا و هيوفر عليكى مجهود و تعب و الاهم هيجنبك المقالب اللى
بتحصل فى كل فرح حضرتيه لقريبتك او صحبتك و الامثلة كتير : 


- العروسة ساكنة فى المقطم و العريس فى المعادى و بيتهم اللى هيتجوزا فيه اصلا فى حلوان
فحجزوا فى قاعة عجبتهم ع كورنيش شبرا surpriseو الله زمبقولك كدة 
النتيجة بقى ان الفرح اصلا 8 فعلى ما وصلوا بقيت 10 sad ما هو الكورنيش اصلا كان واقف فنص المعازيم
كانوا زهقوا و مشيوا و ع ما كتبوا الكتاب بقيت 11 قاعدوا الساعة اللى باقية و مشيوا sad

 
- و لا بقى القاعة اللى عجبت العريس و العروسة جدا و ترتيب الكوشة كان ممتاز
و بعد الفرح بيسألوا عن Video طلع معمول على شريط مش CD surprise
هو اصلا في شرايط فيديو و امسح الهد و شغله !! surprise 
النتيجة يا فرحة ما تمت و لموا كل Videos اللى اتصورت بموبايلات العائلة و اصحابهم 

مقالب كتير اوى يا عشتيها مع اصحابها يا سمعتى عنها و كلها للاسف ذكريات مقندلة sad 
و علشان تتجنبى كل المقالب دى هنقولك اهم 4 وصايا تعتمدى عليهم فى اختيار قاعة الفرح
سواء قاعة مقفولة جواه نادى او فندق او قاعة منفردة على الكورنيش و دول كتير جدا او اوبن اير فى فندق برضو
او فى حدايق العامة زى الازهر بارك, جزيرة المعادى و حديقة المستقبل و غيرهم كتير جدا
و الاكتر شهرة بقى هى الكروز اللى بتلف ساعتين و ترجع تانى wink

 
ندخل فى الموضوع ع طول smiley
 
الوصية الاول - حسب Session
اللى هتتجوزى فيه صيف, شتاء, ربيع, خريف لانه على اساسه بتختارى اوبن اير فى حدائق او ڤيلل لو فرحك فى الربيع
و بداية الصيف او قاعة لو فى عز الشتاء او نايل كروز فى بداية الخريف و الصيف.

الوصية التانية - حسب عدد ضيوفك
يعنى بتشوفى العدد الكلى من الاهل و الاصدقاء عندك و عند العريس فى رنج قد اية فتروحى على الاساس دة
تحجزى قاعة 70 فرد او 300 و فى قاعات بتوصل لـ 1000 كمان.

 
الوصية التالتة - حسب الميزانية  
و علشان تعرفى الاسعار لازم تكون حددتى بالفعل انتى هتحجزى قاعة و لا اوبن اير و لا نايل كروز
و تبداءى تدورى فى الاقرب ليكى زى ما اتفقنا فوق و تتفرجى على صور اكتر لكل قاعة تعجبك .

 
الوصية الرابعة - حسب سكنك 
هتقولى ازاى !! هنزل يعنى الف ع القاعة اللى جانبى و اسأل !! 
هنقولك لا طبعا هتختارى محافظتك و المنطقة و قاعة الفرح هيطلع لك كل قاعات الافراح بكل انواعها
و صور كل قاعة و ارقامها و عنوانها بالظبط و كمان صفحتهم على فيس بوك  

 
هنا : دليل قاعات افراح مصر 

بعد ما تستقرى على القاعة اللى شكلها عجبك من صورها تتصلى على طول و تسألى الـ 8 الاسئلة دول :


1. اذا فى امكانية للحجز و لا لا, لتاريخ الفرح ؟
2. القاعة بتستوعب قد اية ؟
3. تعرفى البوفيه هاى تي و لا Open Buffet و بعض القاعات بتسمح انك تجيبى اكل من بره 
و تدفعى عليه رسوم, فسألى برضو اذا فى الامكانية دى و لا لا ! و الرسوم قد اية ؟
4. التكلفة الكُلية بالبوفيه ! 
5. Dj من اختياره !! اية الاغانى اللى هتشتغل ؟ فى امكانية تجيبى فلاشة عليها اللى انتى عايزه ?
6. انواع الزفة اية !!
7. اتاكدى من التصوير و اذا فى امكانية تجيبى فوتوجرافر معاكى يصورك براحتك !!
8. الكوشة و امكانية تغيير الالوان ؟

و تسجلى كل دة على ورقة " اسم كل قاعة اختارتيها و ليكن اختارتى 10 قاعات عجبينك جدا, تكتبى جانب كل واحدة التفاصيل دى
و تتكلمى مع خطيبك و عائلتك علشان تختاروا الانسب, و ليكن الانسب 5 قاعات بالنسبة للتكلفة و العدد و كل حاجة,
انزلى بقى اتفرجى عليهم على ارض الواقع و احجزى اللى على كيفك . 

 

كدة انتى عارفتى اية الوصايا اللى على اساسها هتختارى القاعة و اية اللى لازم تسألى
فيه قبل ما تحجزى فعلياً, نتمنى لك فرحة تهز قلبك و ما تتنسيش .
شوفى كمان

تابعى اجدد العروض المضافة لينا اول بأول

كل خدمات الافراح

ضيف شغلك معانا