و هيفضل الورد باختلاف الازمنه, هو اللى بيكمل اناقتك يوم فرحك
و فكرة ان العروسة تمسك بوكيه ورد يوم الزفاف بيرجع لايام الاغريق
رمز ان حظها مميز فى اختيار شريك حياتها, و فضلت العادة دى بتتوارثها الاجيال
لحتى بقيت اساسية فى كل العالم و من اساسيات الاناقة كمان فى ليلة العمر
و علشان كدة جمعنا لك 5 نصايح لاختيار جيرب " بوكيه الورد " :
1. اختارى حسب ستايل فستانك :
يعنى لازم يبقى متناسق حجماً مع شكل الفستان علشان ما يخفيش جماله
فلو كان فستانك فيه نقوش كتير يبقى الافضل تختارى بوكيه دائرى
اما لو فستانك بسيط و ما فيهوش نقوش كتير تقدرى تختارى شريط ستان
او شريطة من نفس موديل الفستان يبقى ملفوف على جيرب و ممكن يبقى الجيرب نفسه الوانه كتير هينطق الفستان جدا
2. و حسب طول قامتك و حجمك :
لو انتى طويلة, اختارى البوكيه الطويل او المدرج
( لانه لو اختارتى بوكيه مدور او صغير هيبقى شكلك اطول من طولك الحقيقى
اما لو قصيرة, اختارى البوكيه المدور
( لانه لو اختارتى بوكيه طويل مش هتبانى و هيبينك اقصر من الحقيقة )
و لو كنتى مليانة شوية, ركزى فى البوكيه المدور الكبير
( هيقلل جدا من شكل حجمك )
3. بلاش بلاش :
- ورد ليه ريحة قويه ( هيخليكى تعطسى طول الفرح )
و لو عندك اصلا حساسية من الورد خليكى فى الورد الستان هيبقى اشيك و آمن اكتر عليكى
- البوكيه يكون تقيل و فيه اغصان جافة
لان التقيل هيزهقك و الاغصان الجافة ممكن تتشبك فى فستانك و تضايقك
- ورد طبيبعى خالص لو فرحك فى يوليو او اغسطس لانه هيدبل بسرعة
4. خلى بالك من اختيار الوان الجيرب :
- الافضل يكون زى لون الوردة اللى بتبقى فى بدلة العريس هتبقى اشيك جدا
- متماشى مع الوان ديكور القاعة
و تقدرى تعرفى من هنا : محلات منسقى الورد , تختارى و تحجزى براحتك
5. اختارى اللى يعبر عن شخصيتك يعنى لو انتى :
رومانسية : يبقى اختارى الورد الاحمر لانه بيرمز للحب الواضح
بريئة : يبقى اختارى الورد الابيض
وفية مخلصة واثقة من نفسك : اختارى البنفسج
لطيفة ودودة: اختارى الياسمين
فرفوشة : يبقى اللافندر كمان بيرمز للفرحة
عاطفية: يبقى تيوليب
كلاسيكية : يبقى ورد بلدى
و نتمنى لك فرحة و حياه كلها ورد
الف مبروك, انتى اجمل عروسة
تابعى اجدد العروض المضافة لينا اول بأول