الفرحة حلوة مافيش كلام و علشان كدة هنقولك 
اهم 8 نصايح اللى هتجنبك اغلب المواقف المحرجة يوم فرحك :




 

1. طالما لسه لا حددتى وقت و لا تاريخ ما تقوليش اى حاجة لاى حد الا لما تحددى 
يعنى مش لطيف الكلام الكتير من غير ما يكون فى تحديد لاى حاجة .
2. لو الفرح ع الضيق ف البيت عرفى كم صديقة من المقربات جدا منك و اكدى عليهم
انه فرح ع الضيق علشان ما تتفاجئش بعدد كبير و المكان اصلا مش هيستحمل و نفس الفكرة
لو قاعة اعزمى ع قد العدد المناسب  و تأكدى عليهم برضو لو حابين يجيبوا اى حد يعرفوكى الاول - دة الاتيكيت 
اعرفى من هنا : ازى ترتبى لخطوبة او فرح ع الضيق فى البيت
3. و على قد ما هتأكدى برضو سواء الفرح ف البيت او فى قاعة هاتى 20 : 30 وجبة زيادة
 لان غالبا هيجى ناس كتير لا عزمتيهم و لا اصلا تعرفيهم و الكل جاى يفرح و ينبسط فاعملى حسابك 
4. اعملى Test قبل الفرح لمكياجك و لفة حجابك او تسريحة شعرك علشان تبقى مطمنة و واثقة ف نفسك اكتر 
و اوعى راى اى حد يأثر فيكى او يسرق فرحتك مدام مقتنعة بشكلك مش مهم راى اى حد يحاول يسخفك ع الفاضى 
5. نامى و اهتمى بأكلك جدا علشان تبقى مرتاحة و وشك مشرق و صافى و حاولى تهتمى بالاساسيات دى 
6. قبل الفرح بشهر او شهرين ياريت جدا لو تمشى على برنامج لبشرتك
 و تعالجى اى حبوب او بقع لانه اينعم الميكب بيخفى اغلب العيوب بس كدة و لا كدة هتروحى و هتغسلى وشك !! 
هتعملى اية فى اى بقع كان الميكب مغطيها !!
 نتمنى لك تبقى قمر فعلا و وشك صافى و مشرق بعد الفرح و ازالة الميكب 
7. ما تنسيش لو ناوية ترمى بوكيه الورد على صحباتك تيجيبى 2 بوكيه و احد ليكى 
و واحد اللى ناوية ترميه على صحباتك و غالبا هيبقى تول هيبقى شيك جدا 
8. لو حابة يبقى ليكى اغنية محددة ترقصى عليها مع حبيبك او فكرة مجنونة هتعلمها مع صحباتك 
ماتنسيش توصلى الفلاشة للمسئول قبلها بيوم ع الاقل لان ممكن من الزحمة تنسى ..  فجهزيها قبل بيوم افضل 

و اخيراً ـــ  اتعاملى بايجابية فى اى موقف و ما تخليش حاجة تسرق فرحتك
مبروك يا اجمل عروسة 

 

شوفى كمان

تابعى اجدد العروض المضافة لينا اول بأول

كل خدمات الافراح

ضيف شغلك معانا