ازاى تختارى لانجيرى مناسب لشكل جسمك

لانجيرى من اجمل الحاجات اللى بتظهر جمال جسمك
و علشان كدة مش اى لانجيرى يعجبك تجيبيه دة لو عايزة تبقى Sexy
لازم تفهمى شكل جسمك اللى ع اساسه تختارى اجمد لانجيرى يظهرك جمالك
و يخفى اى عيب مش بتحبيه و الاهم من كدة هو اللون, لانه عامل اساسى فى Look كله .

طيب ندخل فى الموضوع ع طول و نتكلم عن اشكال الجسم
و اية اللى بيليق على كل شكل و ازى تخفى اى ديفو مش عجبك فى جسمك .

1. الجسم شكل " التفاحة " :

مميزاته :

عرض منطقة الكتفين والصدر و البطن مقارنة بالارداف و الساقين.

انسب لانجيرى :

- الطويل, ممتاز جدا معاكى لانه هيخفى كل عيوب الجسم " التفاحة " و يظهر جسمك متناسق

- بفتحة صدر عميقة مش واسعة اللى هى فتحة شكل V

- يكون من الساتان او الحرير بتفاصيل دانتيل على الصدر و الكتفين

تجنبى اى لانجيرى :

- متوسط الطول " اللى على الركبة لانه هيظهر الجسم اعرض

- ليه فتحة صدر مربعة او مدورة

- ضيق من البطن

2. جسم شكل "الكمثرى" :

مميزاته :

عرض الارداف مقارنه بالكتف و الصدر و البطن

انسب لانجيرى :
- اللى مكشوف او شفاف او ليه فتحة من الصدر او الكتفين ( Off Shoulders )

- طوله يبقى بعد الارداف ع طول و ممكن برضو تلبسى طويل بفتحات

- حمالات الصدر رفيعة جدا

- يكون دانتيل او ستان

تجنبى اى لانجيرى :
- مقفول او ضيق من الصدر .
- القطعتين " لو ليكى بطن "

3. جسم شكل " الساعة الرملية" :

مميزاته :
- جسم مثالى لاى شكل لانجيرى ( الضيق, طويل, قصير, شفاف بالكامل,,,
- سيقان جذابه ( فركزى اوووى على القصير جداا )

4. جسم شكل "مستطيل" :

مميزاته :
- عرض الكتف نفس عرض الارداف

انسب لانجيرى :
- ضيق من الوسط او ليه قصة او فيونكة ( دة الاساس فى اختيارك اظهار وسطك )
- بدانتيل على الجانبين
- قصير على الركبة او فوق الركبة و تحت الارداف مباشرة .
- قطعتين و يا سلام بقى لو بخامتين مختلفين يعنى فوق دانتيل و تحت ستان او شيفون او حرير
- من شيفون و ستان

تجنبى اى لانجيرى :
- طويل

5. جسم رفيع جدا :

مميزاته :
انه ما فيهوش اى منحنيات
رفيع جدا من الوسط

انسب لانجيرى :
- القطعتين
- القصير
- الشفاف
- المطرز او مكشكش

تجنبى اى لانجيرى :
- طويل
- مدور من الصدر او مربع

طيب بالنسبة لـ "ديفوهات الجسم" اى عيوب مش متقبلها فى شكل جسمك, زى :
- منطقة الصدر اكبر من الطبيعى, تقدرى تبرزى جماله بـ لانجيرى ستايل " المشد" او بيتربط حول الرقبة .