احنا مش بنأيد اى فكرة مُحددة مش دة هدفنا؛
هدفنا اننا نوفر لك كل الافكار اللى تساعدك تختارى قاعة الفرح و تقررى هيبقى على الضيق و لا قاعة فرح كبيرة  

و قبل ما ندخل ف الموضوع هنقول لك اهم نصيحة لكل البنات اللى قربت تتجوز او مقبلة بقلب منشكح على الجواز :
فرحك و بيتك هو مستقبلك و حياتك فعودى نفسك انك تتناقشى مع خطيبك فى تفاصيل حياتكوا
و تعملوا اللى يناسب امكانياتكوا انتوا المادية
لان ارضاء الناس غاية لا تدرك رتبى امور حياتك باللى يناسبك انتى و هو  وبس 

ندخل بقى ف الموضوع و نقول تقدرى تعملى اية لو نفسك فى فرح الصبح :
و بننصحك بيه طول شهور السنة ماعدا يناير و فبراير و سقيع البرد و اغسطس و فرهدة الحر 
و من انسب الاماكن اللى تحجزى فيها اوبن اير هى الفلل و الفنادق اللى بتجهز الفرح على pool 
او نايل كروز اللى بتلف حوالى ساعتين بتبقى برضو ممتازة جدا, 
دة كمان فى افرح بتتعمل على Beach بتبقى ممتازة جدا 
 

استعينى بـ Wedding Planner هيدوكى افكار كتير حسب مادياتك
اعرفى من هنا اهم : منظمى الافراح - Wedding Planner
اما لو بالليل عندك قاعات اسعارها متفاوتة جدا تختارى منها اللى يعجبك و متوافرين كتير جدا على الكورنيش 
بصى هنا على : قاعات الافراح 
و ممكن تعملى فكرة تانية لو مش حابة الدوشة و نفسك توفرى شوية 
احجزى الميكب ارتيست و فوتوجرافير و خدى لك غرفة فى فندق و  برشح لك جراند بيراميدز اللى فى المريوطية
لان تكلفته بسيطة غير view ع الاهرامات  
و البسى و اعملى مكياجك و شاورك و تبقى الف قمر و انزلى مع الفوتوجرافير اتصورى براحتك ع Pool او اى ركن يعجبك
و تروحى بعد كدة ع كتب الكتاب و بعدين تروحى بيتك
الافكار كتير و الفكرة كلها ازاى تبقى مبسوطة بامكانياتك انتى سيبك من الناس ..

و ابقى شوفى : عروض رحلات شهر العسل و اختارى اللى يعجبك 
الف مبروك يا اجمل عروسة