خلينا نتفق على القاعدة اللى بتقول ان راحة الجسم تبداء من القدم 
دى مش مجرد حكمة اتقالت زمان دى حقيقةاساسها, انك تختارى سواء لحياتك اليومية او فى ليلة العمر

شوز مريح ليكى فى الحركة و تروحى البيت من غير اى خسائر فى الصوابع -لا قدر لله- او تورم فى الكعب
دة غير الجروح السطحية crying


علشان كدة جمعنا لك اهم  8 قواعد تختارى على اساسهم حذاء " شوز " الفرح
القاعدة الاولى - التوقيت
بمعنى انك تختاريه قبل الفرح بوقت كبير ع الاقل شهر علشان تضمنى انك هتلفى براحتك
و تشوفى كل المتاح فتختارى الانسب ليكى مش تزنقى نفسك فى الوقت فتشرتى اللى تلاقيه و خلاص

 و يمكن ما يبقاش مريح و مش هيبقى فى اى وقت انك تغيرى 

القاعدة التانية - خليكى غير تقليدية 
يعنى مش لازم يبقى ابيض دة حتى الابيض درجات و فى كمان اوف وايت شيك جدا
و فى دهبى و فضى و كل الالوان اللى تيجى على بالك 
فجربى كل المتاح و اختارى لون جديد مميز و مناسب لذوقك
و الموديل اللى يعجبك شوفى الوانه يمكن لون مختلف يلفت نظرك اكتر.

   

القاعدة التالتة - ظبطى مع طول الفستان 
يعنى اصلا انتى بتشترى الفستان و بعدين الشوز 

فلو مثلا الفستان من غير اكمام CUP يبقى ركزى اوى فى الشوز المفتوحة
اما لو كلاسيك يبقى خليكى فى الكعب العالى 

و ظبطى طول الفستان على نفس طول الكعب علشان تتحركى بحرية اكبر.





القاعدة الرابعة - عودى نفسك  
يعنى حاولى تشترى شوز بنفس طول كعب شوز الفرح قبل الفرح بفترة 
و اخرجى بيها مشاويرك اليومية علشان تتعودى على الحركة بنفس طول الكعب اللى هتلبسيه يوم فرحك .


القاعدة الخامسة - البروفة مهمة جدا 
بننصحك جدا تلبسى شوز الفرح و تتمشى بيه فى البيت اخر اسبوع كدة
علشان يأخد على شكل رجلك و تتخطى الم اول لبسة 



القاعدة السادسة - مكان الفرح اساس فى اختيارك 
يعنى هيبقى اوبن اير و لا قاعة و لا على البحر 
بناء عليه بتختارى الكعب الانسب للارض اللى هتتحركى عليها 



القاعدة السابعة - الوسائد الداخلية هتفرق معاكى
ممكن تلاقى شوز جاهزة بالوسائد الدخلية و ممكن برضو تشتريها سواء سيلكون او قماش
تقدرى تختارى الاريح ليكى و مش بتكون ظاهرة

القاعدة الثامنة و الاخيرة - الحذر مهم برضو
يعنى بعد كل الاحتياطات دى وارد جدا الكعب - لا قدر الله - يتكسر منك و انتى بتتحركى
فاعملى حسابك فى شوز احتياطى للطوارىء 
فى شنطة العربية كدة ماحدش هيأخد باله wink


اديكى عرفتى القواعد و شوفتى على السريع موديلات مختلفة تديكى افكار اكتر على شوز الفرح 
و الف مبروك يا اجمل عروسة 

شوفى كمان

تابعى اجدد العروض المضافة لينا اول بأول

كل خدمات الافراح

ضيف شغلك معانا