حددتى يوم زفافك و رتبتى كل امورك و هتفرشى بيتك و الفرحة مش سيعاكى و يارب دوما مبسوطة
ما تنسيش بقى تجيبى ورقة و قلم و اكتبى معانا اهم مستلزماتك يوم الفرش :
مناشف قطنية
ديتول
صابون سايل و سلك و اسفنجات
جلاس + فرشاه خشنة
زعافة
جردل مياه + شرشوبة
شوفى من هنا : مستلزمات النضافة اللى لازم تجيبها فى جهازك
و ركزى بقى فى الــ 12 نصيحة دى :
1. خليكى مُرتبة :
علشان ما تتعبيش فى التوضيب لما تطلعى حاجاتك, حاولى ترصى حاجة الغرفة الواحدة ف نفس الغرفة
علشان ما تلفيش و تتعبي و انتى بتفرشى و تكسبى و قت .
2. بلاش زحمة على الفاضى :
قللى جدا من الناس يعنى تبقى انتى و ماماتك و اخواتك البنات و لو كم صديقة او قريبة ذوقها عالى فى الترتيب يبقى هايل
و الاهم من كل دة ما حدش ابدا يجيب معاه اطفال و ما فيهاش اى حرج حتى لو كانت اختك .
3. هاتى اكل معاكى و انتى رايحة الصبح
اعملى بانية مثلا و رز الصبح او من بالليل قبل ما تروحوا علشان الغدا لان الفرش بيطول جدا فماتنسيش نفسك انتى و ضيوفك .
4. اوعى تنسى تجيبى لبس معاكى
ماتنسيش اى بيجامة قديمة علشان تغيرى و تشتغلى فى البيت براحتك و اتعاملى براحة و بهدوء مع الحاجات
علشان ما تجرحيش نفسك .
5. هاتى معاكى العدة
جهزى معاكى شاكوش و مسامير و علقى كل البراويز قبل ما تبدأى فى تنضيف البيت .
6. غطى اى حاجة متعلقة قبل ما تنفضى
لو الستاير متعلقة غطيها بأى ملاية قديمة معاكى من البيت علشان ما تتربش و انتى بتنضفى .
7. هاتى مقص لزوم التظبيط
لما تيجى تقصى رول الدولاب قصيه كله مرة واحدة علشان يبقى الكل على نفس المقاس .
8. بلاش البهرجة
لما تحطى مكياجك على التسريحة بلاش تحطى كل اللى عندك علشان الشكل العام,
يعنى كفاية اوى تحطى اللى هتستخدميه بشكل يومى و الباقى فى الادراج .
9. مكعبات المسك
ابقى حطى مكعبات مسك فى الدولاب بعد ما تخلصى ترتيب علشان تخلى ريحته حلوة .
10. عينك فى وسط رأسك
ما تسبيش اى حاجة تترص من غير ما تعرفى مكانها, عينك على كل حاجة بتتحط فين .
11. خليى جيرانك تأخد انطباع كويس عنك
ما تنسيش تتخلصى من الكراتين بعد ما توضبى و اوعى تنسى اى حاجة
علشان جيرانك تاخد عنك انطباع جيد و انك مهتمة بنضافة البيت اللى هتعيشى فيه
12. التاتش الاخير
و جهزى قميص ليلة الزفاف, بيجامة حبيبك و برفنيهم و اتوصى بقى بالشموع الفواحة علشان جو رومانسى بقى و كدة
و بنرشح لك جدا : M&M هيوفروا لك زينة ما حصلتش لغرفة النوم
و الف مبروك يا اجمل عروسة
تابعى اجدد العروض المضافة لينا اول بأول