ليلة الحنة من اشهر طقوس الافراح فى كل الدول العربية و فى تركيا و الهند
و باكستان اما فى اوروبا بيكون ليها مسمى تانى خال  Bridal Shower 
و بتبقى حفلة بتجمع فيها العروسة كل اصدقائها و يرقصوا و يغنوا طول اليوم
و العريس بيقدم لها هدية فى اليوم دة 
اما فى تركيا مثلا العروسة لازم تلبس فستان احمر و تغطى وشها بطرحة شيفون لونها احمر برضو و بتجمع العائلتين و الاصدقاء
و بيتفألوا جدا لما العروسة تبكى فى اليوم دة و بعدين تبداء الحفلة و رسم الحنة و النقوط 
اما فى الامارات مثلا العروسة بتلبس فستان اخضر و بتجمع العائلتين بس من غير الاصدقاء و بتبداء بقى مراسم الحنة و الحفلة 
و سبب الاحتفال و ليلة الحنة انها اخر ليلة العروسة بتقضيها فى بيت اهلها
فهى مش مجرد حفلة دى علامة فاصلة بين حياه عيشناها و حياه هنعيشها 

نيجى بقى لـ استعدادت ليلة الحنة فى مصر 


و بشكل عام هنقولك الحفلة بتتعمل ازاى و انتى اختارى اللى يناسب امكانياتك انتى و طريقة تفكيرك
لانها مش قاعدة و لازم تمشى عليها ... اختارى اللى يناسبك ..
عندك مثلا عائلات بتهتم تعمل زينة و لمبات برة البيت و تجيب DJ , و فرح كبير كل الشارع يسمع عنه 
و فى عائلات تانية بتجيب زينة بسيطة و لمبات و بلالين تزين بيها البيت من جوه 
و تبقى حفلة صغيرة و عائلية 
اما الاكل
فبعض العائلات بتعمل عزومة كبيرة او خلينا نقول مائدة للضيوف اللى جاية 
و فى عائلات بتكتفى بالحلويات و البيبسى و البنبون
و فى اللى بيهتم بالنواشف و العصاير الفريش و خلاص
و فى اللى بيكتفى بتوزيع هدايا بسيطة من باب التذكار مش اكتر 
و طبعا بمجرد تحديد يوم الحنة بتحجزى مع حنانة شطورة و بتبقى جايبة معها صور للرسمات اللى بتعملها
او انتى نزلى من الانترنت الصور اللى تعجبك و خليها تعملها لك, و احنا هنساعدك بالتقشات دى :












 

بترسمى الحنة انتى و صحباتك و بعدين يبداء الشو بقى بيبقى فيه فساتين الحنة
( ملايات لفة, سارى هندى, قفطان مغربى, الزى السودانى .. زى ما انتى عايزه
 و افرحى بقى و ارقصى مع صحباتك و عائلتك 
 اعرفى من هنا : شو الحنة و الحنانات 
و بعد الشو , بعض العائلات بتعمل زفة تحت البيت علشان لما العريس يجى تنزل العروسة و يتزفوا تحت البيت 
و فى عائلات بتكتفى بالحفلة و خلاص من غير زفة و دوشة 

و بعد يوم طويل فرحتى فيه و هيصتى من قلبك 
خليكى فاكرة اهم حاجة انك هتودعى بيت عائلتك كفرد منه و هتبقى فيه بعد كدة ضيفة عزيزة .. فحافظى على حياتك ..
الف مبروك يا اجمل عروسة 

 

شوفى كمان

تابعى اجدد العروض المضافة لينا اول بأول

كل خدمات الافراح

ضيف شغلك معانا