من اول ما شوفنا زمان ليلى مراد
فى قلبى دليلى و هى بترقص مع فتى احلامها و كل بنت فى الدنيا بتحلم باللحظة دى
و بقى اختيار الاغنية بيتخلف بإختلاف الزمن و الاغانى اللى بتبقى رايجة اكتر فى الفترة دى ..
احنا هنساعدك ازاى تختار الاغنية اللى قلبك يرقص معاها
لانك اكيد حضرتى افراح قبل كدا و بتلاحظى انه فى اغانى غريبة بتشتغل و DJ ويفصلنا بقى لحد ما الاغنية تخلص
و ساعات تطلبى منه اغانى معينة فيقولك الاغنية اللى جاية .. 
دى بقى اساسيات اختيارك للاغنية و كمان فيديو يعلمك خطوة خطوة تعمليها ازاى و تبقى اجمل عروسة :
1. حضرى فلاشة مثلا او CD عليها كل الاغانى اللى ليها ذكريات بينك و بين خطيبك,
هيبقى شعورك حقيقى مختلف و انتى بتجمعى فى خيالك كل اللحظات دى و اللحظة اللى بقيت فعلا فيها جانبه بالفستان الابيض .
2. جهزى شوز تانى علشان لو صادف - لا قدر الله - من الحركة الكعب اتكسر .
3. لو فى ديل للفستان بمجرد ما تقومى و هتستعدى للرقص لفى الديل على معصم ايدك و اوعى تنسى
لا تقعى - لا قدر الله - و تتسرق فرحتك من الاحراج .
4. بعد ما اختارتى الاغنية استعدى للتدريب على الرقص عليها قبل الفرح بكم يوم و لو ناوى يشيلك و انتوا بترقصوا
خليه برضو يعرفك هيلفك فى اى اتجاه - تحسباً برضو انك تلفى غلط و تقعى - لا قدر الله -
شوفى بقى الفيديو دة دقيقة و كم ثانية
و نتمنى لك فرحة من القلب ما تتنيسيش
و مش هنسألك السؤال المعتاد .. هو قالك اية و انتوا بترقصوا ؟؟
مبروك يا اجمل عروسة
