كل عروسة بتهتم و هى بتكمل احتياجاتها الاساسية للعناية ببشرتها و جسمها
بالكريمات سواء الترطيب او التفتيح او التقشير او التعطير و دى طبعا اساسيات جمالك
بس انتبهى و انتى بتشترى تتأكدى اذا كان كريم و لا لوشن !! 
اية دة هو فى فرق اصلا !! 
اكيد فيه فرق دة كمان فى زبدة جسم !! و برضو مختلفة و ليها استخدام تانى خالص
خلينا نبداء نوضح الفرق بينهم كمنتجات ترطيب و انتى اختارى الانسب ليكى
كريم ( الجسم - البشرة ) :
- مناسب لترطيب كل انواع البشرة تحديداً العادية و طبعا الجسم
- مكوناته خليط من زبدة الجسم و الزيوت الطبيعية و نسبة من الماء
- بيكون فى علب و منه انواع و روائح مختلفة لاكتر من Brand
" بننصحك جدا بكريمات الترطيب اللى فى Oriflame ريحتها لاتقاوم "
" بننصحك جدا بكريمات الترطيب اللى فى Oriflame ريحتها لاتقاوم "
- قوامه خفيف
- مناسب جدا لترطيب البشرة او الجسم بالليل
لوشن ( الجسم - البشرة ) :
- مناسب جداا للبشرة الدهنية و المختلطة و الجسم الغير جاف
- مكوناته خليط من الزيوت الطبيعية و نسبة كبيرة من الماء
- بيكون فى زجاجات لان قوامه خفيف جدااا و ملمسه غير لزج
- مناسب جدا لترطيب البشرة او الجسم بالنهار لان امتصاصه سريع جدا
زبدة ( للجسم بس ) :
- مناسبة جدا, للجسم الجاف لـ شديد الجفاف
- بتكون فى علب و منها انواع كتير لاكتر من Brand
"بننصحك اوى بـ اللى موجودة فى The Body Shop "
"بننصحك اوى بـ اللى موجودة فى The Body Shop "
- قوامها تقيل و علشان كدة الجسم بيمتصها ابطىء فبتحسن جداا من جفاف الجلد فى الشتا تحديداً
- مكوناتها, خليط من زبدة الشيا او جوز الهند و زيوت طبيعية
- غير مناسب ابدا استخدامها للبشرة ( لانها هتسد المسام تماماً )
كدة وضحنا لك الفرق بين التلاتة و استخدامتهم حسب نوع بشرتك
اقرأى كمان عن : روتين العناية ببشرتك قبل فرحك
تقدرى تختارى الانسب ليكى مع استمرارية ترطيب بشرتك خاصة بعد شاور
علشان الجسم يمتص اسرع و تحسى بنتيجة فورية
و الف مبروك يا اجمل عروسة
و الف مبروك يا اجمل عروسة
